ಆ ಸಿಹಿಗೆ

ನಿನ್ನ ಕಣ್ಣು ನನ್ನೀ ನೋಟವ 

ಬೆರೆತಾಗ ನನ್ನಲಿ ನಾ ಕಳೆದು ಹೋದೆ

ನಿನ್ನ ಮಾತು ನನ್ನೀ ಪದಗಳ

ಸೇರಿದಾಗ ನನ್ನನೇ ನಾ ಮರೆತುಹೋದೆ

ಅಲ್ಲೊಮ್ಮೆ ಇಲ್ಲೊಮ್ಮೆ ಬೆಪ್ಪಾಗಿ ನಿಲ್ಲುವೆ,

ಇದು ನಾನಾ ?

ಅಲ್ಲೆಲ್ಲೋ ಇಲ್ಲೆಲ್ಲೋ ಮಂಕಾಗಿ ಹೋಗುವೆ,

ಇದು ನಾನಾ ?

ಇದು ನಾನಲ್ಲದೆ ನೀನಾ ?

ಇಲ್ಲ, ಇದು ನಿನಲ್ಲ !  

ನೀನು ಕಲೆ ಇಲ್ಲದ ಚಂದಿರ,

ನೀನು ಕಹಿ ಇರದ ಬೇವು

ನಿನಲಿ ತಪ್ಪ ನಾ ಹುಡುಕಲಾರೆ !

ನಾನೇಕೆ ಹೀಗಾದೆ ?

ನಿಂತ ನೀರಿಗೆ ಹಾರಿಬಿದ್ದ ಕಲ್ಲಿನಂತೆ

ನನ್ನ ಮನವ ಅಲೆಯಲಿ ಕೆದಕಿ  

ನೀ ಸೇರಿದೆ ನನ್ನ ಮನದ ತಳ

ಈಗ ಅನ್ನಿಸುತ್ತಿದೆ,

ನಿನ್ನ ಸನೀಹವೇ ಮಜವಾಗಿದೆ,

ನಿನ್ನ ಸಾಮಿಪ್ಯವೆ ಪುಳಕವಾಗಿದೆ

ಒಗ್ಗಿಕೊಂಡು ಬಿಡುವೆನೋ ಏನೋ

ಆ ಸಿಹಿಗೆ,

ಉಕ್ಕಿ ಬರುವ ಭೂಕಂಪದ

ಆ ಲಾವಾ ತಂಪಿಗೆ  

 - ಬುರುಡೆ ದಾಸ