ಈ ಪದಗಳಿಗೆ

ನೀನಿಲ್ಲದೆ ಬರಿದಾದೆ ನಾನು

ಈ ಖಾಲಿ ಬಟ್ಟಲ ತುಂಬಲು

ಗೀಚಿದೆ ನಾ, ಈ ಕವಿತೆ

ಕವಿತೆಯ ತುಂಬೆಲ್ಲ ನೀನೆ ತುಂಬಿರುವೆ

ಭಾವದ ತುಂಬೆಲ್ಲ ನೀನೆ ಹರಡಿರುವೆ

ಬರಡಾದ ಈ ನೆಲದ

ತುಂಬೆಲ್ಲ ನೀ ಹೂಳಿದ ನೇಗಿಲೆ  

ಭಾರವಾದ ಈ ಮೋಡದ 

ತುಂಬೆಲ್ಲ ನಿನ್ನ ಕಣ್ಣ ಹನಿಗಳೇ

ಈ ಬರಡು ನೆಲವ ಹೂಳಲು 

ಭಾರ ಮೋಡವ ಸೀಳಲು   

ಇರುವುದು ಬರೀ ಈ ಪದಗಳೇ

ಮೌನವೇ ಸಾಲುಗಳಾಗಿ ಮೂಡುತಿವೆ

ಏಕಾಂತವೆ ಪದಗಳಾಗಿ ಕೂಡುತಿವೆ

ಈ ಸಾಲುಗಳ ತಡವಿ ನೋಡುವೆ

ಪದಗಳ ಕೆದಕಿ ನೋಡುವೆ

ನೀನು ಕಂಡರೂ ಕಾಣಬಹುದು

ನಾನು ಕವಿಯಾದರೆ ನೀನೆ ಕವಿತೆ

ನಾನು ಚಿತ್ರಗಾರನಾದರೆ ನೀನೆ ಚಿತ್ರ

ನಿನ್ನ ಹಿರಿಮೆಯ ಹೇಗೆ ಹೇಳಲಿ

ಈ ಪದಗಳಿಗೆ ಆ ಶಕ್ತಿ ಸಾಲದು

 - ಬುರುಡೆದಾಸ