ಕರಡಿ ಆಡಿಸುವ ಬಂದಿದ್ದಾನೆ

ಕೂಗಿದಳು ಅಕ್ಕ

ನೋಡು ಬಾ

ಕರಡಿ ಆಡಿಸುವ ಬಂದಿದ್ದಾನೆ

ಅದೇ ತಳಮಳ, ಅದೇ ಹೆದರಿಕೆ

ಕೂತಾಗ ಮೇಲೆ

ಹಿಡದ ದಾರವ ಸಿಗಿದೊಗೆದು

ಕೆಳಗೆ ತಡವಿ ಪರಚಿದರೆ ?

ತನ್ನ ಒರಟು ಕರಡಿ ಭಾಷೆಯಲಿ

ನಾನು ನಿನ್ನ ಆಟಿಕೆಯ ರಿಮೋಟ್ ಕಾರೆ ?

ಎಂದರೆ, ನಾನೇನು ಉತ್ತರಿಸಲಿ ?

ನನಕ್ಕ, ಮೇಲೆ ಕೂತು

ಒಂದು ರೌಂಡು ಹೋಗಿ ಬಾ

ಧೈರ್ಯ ಬರುತ್ತೆ ಎಂದಳು

ಅದಕ್ಕೆ ಮೇಲೆ ಕೂತೆ, ಎನ್ನಲೇ ?

ನಿನ್ನ ಮೃದು ಕೂದಲ ಸವರಿ

ಕತ್ತ ಬಿಗಿದಪ್ಪಿ ಕ್ಷಣವಾದರೂ

ಅರ್ಥವಾಗದ ಆ ಭಾಷೆಯಲಿ ನಿನೊಡನೆ

ಹರಟುವ ತೆವಲು ಎನ್ನಲೇ ?

ಏನೇ ಇರಲಿ, ಈ ಬಾರಿ

ಧೈರ್ಯ ಮಾಡಿ ನಿನ್ನ ಬೆನ್ನೆರುವೆ

ಕಳೆದ ಸಾರಿಯಂತೆ ಗುರುಗುಟ್ಟಿ

ಹೆದರಿಸಬೇಡ, ಬೇಕೆಂದರೆ

ನನ್ನ ಪಾಲಿನ ಒಂದು ಚಾಕಿ ಕೊಡುವೆ

-      ಬುರುಡೆದಾಸ