ಬಿಡಲೊಲ್ಲೆ ನಾನೇಕೆ

ಬಿಡಲೊಲ್ಲೆ ನಾನೇಕೆ

ನಿನ್ನ ಹಿಡಿದಪ್ಪುವ ಈ ಹುಚ್ಚು ಹಟವ ?

ಕಣ್ಣಿಗೆ ಕಾಣದ ಮಾಯಾಮ್ರುಗವ

ಬೆನ್ನಟ್ಟುವ ಅಸೆ ನಿನಗೇಕೋ ಓಮನವೇ  

ಕೈಯಿಗೆ ಸಿಗದ ಕಾಮನಬಿಲ್ಲ

ಬಿಗಿದಪ್ಪುವ ಆಸೆ ನಿನಗೇಕೋ ಓಛಲವೇ

ಗೊತ್ತೆನಗೆ,

ಓಡಿದಷ್ಟು ನಾದೂರ

ಓಡುವೆ ನೀ ಮತ್ತೊಂದೂರ

ಹಿಡಿದಷ್ಟು ನಾ ನಿನಭಾರ

ಹೆಚ್ಚುವೆ ನೀ ನಿನ್ನೆತ್ತರ

ಬಿಡಲೊಲ್ಲೆ ನಾನೇಕೆ

ನಿನ್ನ ಹಿಡಿದಪ್ಪುವ ಈ ಹುಚ್ಚು ಹಟವ ?

ನಿನಗಾಗಿ ನಾ ಬಂದಿರುವೆ ಈದೂರ

ಹೊತ್ತು ತಂದಿರುವೆ ಸವಿ ಕಂಪ ನನ್ನೂರ

ನಿನ್ನೋಟವ ತುಸುನಿಲ್ಲಿಸಿ

ಎದುರುಸಿರ ದಣಿವಾರಿಸಿ    

ಸುಂದರ ಸಂಜೆಯ ಈ ಶಾಂತ ಸವಿಯ

ಸವಿಯಲೋಲ್ಲೆ ನೀನೇಕೆ ಓ ಮೃಗವೇ

ಬಿಡಲೊಲ್ಲೆ ನಾನೇಕೆ

ನಿನ್ನ ಹಿಡಿದಪ್ಪುವ ಈ ಹುಚ್ಚು ಹಟವ ?

ನಿನಗಾಗಿ ನಾ ಬೆಳೆದಿರುವೆ ಈಎತ್ತರ

ತಿಳಿಯುತ ನಿನ್ನೆಳು ಬಣ್ಣಗಳ ಪ್ರತಿಯುತ್ತರ  

ಹಿಗ್ಗುವ ನಿನ್ನೆಪರಿಯ ತುಸುನಿಲ್ಲಿಸಿ

ಚಾಚುವ ನಿನ್ನೀಹೆಗಲ ಸುಧಾರಿಸಿ

ಬಿಸಿಲ ಮಳೆಯ ಈ ಸುಂದರ ಕಲಾಕೃತಿಯ

ನೋಡಲೋಲ್ಲೆ ನೀನೇಕೆ ಓ ಬಿಲ್ಲೆ

ಓ ಗುರುವೇ, ನಿನಗಾದರೂ ಗೊತ್ತೇ

ಅದೆಷ್ಟು ದೂರ ಓಡಬೇಕೆಂದು?

ಇನ್ನದೆಷ್ಟು ಎತ್ತರ ಬೆಳೆಯಬೇಕೆಂದು?

ಬಿಡಲೊಲ್ಲೆ ನಾನೇಕೆ?

ನಿನ್ನ ಹಿಡಿದಪ್ಪುವ ಈ ಹುಚ್ಚು ಹಟವ, ಈ ಹುಚ್ಚು ಚಟವ.

- ಸದಾನಂದ